RECURSOS LETRAS GALEGAS 2019: ANTÓN FRAGUAS

Antonio Fraguas Fraguas O antropólogo, xeógrafo e historiador Antonio Fraguas Fraguas naceu o 28 de decembro de 1905 na vila pontevedresa de Cotobade. Sendo estudante de bacharelato fundou a Sociedade da Lingua para a defensa do noso idioma e a elaboración dun dicionario. En 1928 formou parte do Seminario de Estudos Galegos que foi clausurado pola ditadura militar despois da Guerra Civil. Tamén foi membro do Instituto de Estudos Galegos Padre Sarmiento, do que chegou a ser director da Sección de Etnografía e Folclore. En 1951 entrou a formar parte da Real Academia Galega, ocupando o posto de Alfonso D. Rodríguez Castelao. Dirixiu o Museo do Pobo Galego ata o seu falecemento en 1999. - Documentos e actividades para imprimir - Actividades interactivas (EdiLim)  - Descargables, interactivos... (Primavera das Letras) - OUTRAS: .. Museo do Pobo Galego .. Díptico .. Fichas didácticas .. Ficha 1 .. Ficha 2 .. Ficha 3 .. Enredando coa Lingua .. Symbaloo: Antón Fraguas

Semana da prensa

Para celebrar a semana da prensa, aproveitamos para facer unha exposición das revistas escolares de centros educativos de Valdeorras.

 

 

Do día 11 ao 15 de marzo de 2019 celebramos a conmemoración da semana da prensa.

8 de marzo: DÍA DA MULLER

8 de marzo, celebramos o día internacional da MULLER

A actividade foi organizada por Cruz Vermella implicando aos centros escolares e agora as camisetas lucirán

en escaparates de establecementos comerciais

Alumnos do noso centro escolar participaron nunha actividade programada pola Cruz Vermella Mocidade e o Plan de Emprego da Asemblea Comarcal da Cruz Vermella en Valdeorras, para a elaboración e pintado de 30 camisetas con motivo do Día Internacional da Muller. Nenas e nenos explicaron na Casa da Cultura da Rúa en que basearon os seus deseños, poñendo o valor da igualdade sempre por diante. O obxectivo desta actividade da Cruz Vermella consistiu en dar visibilidade á muller desde unha perspectiva sociolaboral, perseguindo así favorecer a reflexión da cidadanía sobre a loita contra os estereotipos e prexuízos arraigados en torno ao papel da muller.

 

 

           8 DE MARZO MULLERES EMPODERADAS

CELEBRAMOS O ENTROIDO

Neste curso escolar, desde a Biblioteca estamos investigando sobre diferentes inventos, inventores e experimentos, por este motivo este Entroido foi adicado ao tema "Os inventos": puidemos ver desde creacción de lambetadas, xogos de mesa, científicos, astronautas, emoticonos do WhatsApp, autoxiros, semáforo e moitos inventos domésticos como o microondas, un teléfono antigo, lámpadas... Agradecer especialmente a todolos pais e nais e a ANPA pola súa implicación na elaboración e confección dos disfraces e de doces e lambetadas de Entroido, e participar tamén no desfile disfrazados do cubo de Rubik.

Agradecementos especiais ao Concello de A Rúa e, en especial, ao alcalde desta localidade, poñendo a nosa disposición tanto o coche do Concello de A Rúa, que decoramos para a ocasión, efectivos da Protección Civil e a Policía Local, quenes nos acompañaron durante todo o traxecto e regularon o tráfico para que non se producira ningún tipo de incidencia.

Despois das "ordes" que nos deu a meca investigadora Dona Manuela Respina durante toda a semana tiñamos que rematar cunha gran festa de disfraces, na que ademais de desfile, puidemos compartir unha merendola no patio con todo o alumnado, profesorado e persoal colaborador e con música propia desta festa.

A continuación expoñemos algunhas fotos desta celebración: