A RÚA NEVADA

Coa chegada de decembro tivemos unha inesperada visita: A NEVE! Deixámosvos unha imaxe para o recordo. Un saúdo.

BO NADAL

O ENDL do CEIP Manuel Respino deséxavos un Bo Nadal. Saúde e ilusión para comezar o ano vindeiro, 2011. Seguiremos a traballar máis e mellor na nosa tarefa. Unha aperta! Moitas grazas pola colaboración na recollida de lendas en torno o Apalpador.

MAGOSTO 2010

O pasado venres 5 de novembro celebramos no colexio o Magosto. O tempo acompañou e pásamolo moi ben. O alumnado de terceiro ciclo saíu ata o Aguillón como xa é costume doutros anos. Aí tedes varias fotografías que retratan este día.

CELEBRAMOS O SAMAÍN

O venres pasado (29 de outubro), presentamos unha exposición de cabazas no centro con motivo do Samaín. Aquí tedes algunha proba.

OBRA DE TITERES CHINCHA RABINCHA

Para o Día das Letras Galegas tivemos a compañía de Muros "A Xanela do Maxín" que nos ofreceron unha representación de títeres chamada "Chincha Rabincha", a cal lle gustou moito a nenos e maiores.

CONCURSO LITERARIO

Desde o noso ENDL propuxemos un concurso literario do que vos amosamos algunhas fotos. Os nenos e nenas deixaron voar a súa imaxinación para encher unhas pequenas follas de aventuras nunca antes inventadas e debuxos fantásticos!!!

OUTRAS ACTIVIDADES

Ao longo do curso tamén se fixeron actividades como a de participar no concurso de reciclaxe proposto desde o Concello de a Rúa. Os nenos e nenas, ben por grupos ou individualmente podían facer un collage, conto,... utilizando materiais de reciclaxe.

A participación foi moi boa por parte de todos. Expuxéron os traballos no centro cultural da vila onde tamén entregaron os premios. Por certo, houbo agasallos para todos os participantes e tamén un bonito diploma. Tamén tivemos cinco premios no colexio polo que gañamos cinco trofeos.

DÍA DAS LETRAS GALEGAS

Con motivo do Día das Letras Galegas, este ano adicado a Uxío Novoneyra, fixemos unha exposición de carteis no taboleiro da entrada do colexio. Os carteis facían un percorrido pola vida e obra de dito autor.

DESFILE ENTROIDO

Aquí vos mostramos máis fotos do día do desfile de entroido no colexio.

ACTUACIÓN MAGO TETO

No mes de decembro tivemos no colexio a actuación do mago Teto para todos os nenos e nenas do colexio. Foi un espectáculo máxico!!!!

O MAGOSTO

Aquí tedes algunhas fotos do día no que celebramos o magosto no colexio. Fixemos, no patio do colexio, varios xogos relacionados coas castañas como a "Castaña luva luva", a rá-castaña, cicuito culler-castaña etc. Participaron todos os nenos e profesores do cole. Asamos castañas nunha fogueira e logo comemolas.

Letras Galegas

O pasado mércores, día 5 de maio, estivo connosco a compañía teatral de Muros A Xanela do Maxín para ofrecernos uns obradoiros de creación literaria. Todo o alumnado asistiu e cada grupo creou o seu conto. O vindeiro xoves volverán para representar a obra de títeres Chincha Rabincha, que compartiremos co alumnado de Larouco e da escola infantil A Galiña Azul. Tamén temos convocado un concurso literario entre o alumnado que agardamos teña éxito. Publicaremos fotos destas actividades.

XOGOS TRADICIONAIS

Esta semana levouse a cabo unha xornada de xogos tradicionais cos nenos e nenas de Primaria. Entre outros xogos, xogaron á BILLARDA.

EXPOSICIÓN DE MÁSCARAS ENTROIDO 2010

A exposición de máscaras do entroido foi un éxito, contou coa participación de todo alumnado do centro. Como podedes ver, son do mías orixinal.

ENTROIDO 2010

O noso equipo convocou, para os próximos días nos que se vai a celebrar o Entroido, un concurso de caretas e todo tipo de antifaces entre os nenos e nenas de todo o colexio. Éstes expoñeranse nun tablón á entrada do colexio para que todos e todas as vexamos e así tamén ambientarán o centro para a festa de disfraces que se fará o venres pola tarde.