Semana de Entroido 2020

Comezamos a semana do Entroido do 2020 cos mandatos do noso Meco, que este ano é un oso. O luns mandounos traer algo da praia e desfrutamos como se estiveramos en agosto.

O martes ten un dito "En martes nin a cama mudes nin a roupa laves" polo que o Meco nos mandou vir en pixama.

Mañá mércores o Meco quere que nos poñamos un zapato de cada cor, cal será o resultado?

Día da Paz

O 6 de febreiro celebramos o Día da Paz levando a cabo xogos tradicionais galegos como son as carreiras de sacos, as gomas, o pano ou a pita cega.

Cando rematamos os xogos cantamos as cancións "Corazón de cremallera" e "Marea de gentes", e desfrutamos bailando as cancións do Día da Paz dos anos anteriores.

Por último fixemos entrega dun pequeno agasaio a Lola de 5º, a gañadora da postal de Nadal.

Magosto 2019

O luns 11 de novembro levamos a cabo a celebración do magosto no noso centro.

Pero como non todo iba ser comer, primeiro levamos a cabo varios xogos populares con castañas. Máis tarde, vendo que o tempo non acompañaba,entramos ó comedor onde desfrutamos duns bolos preñados, castañas e un chocolate quentiño.

Gustaríanos agradecer a colaboración dalgúns papás que nos asaron as castañas; e por suposto ás nenas e nenos da  Galiña Azul, que viñeron xogar acompañados das súas coidadoras.

Desfrutade das nosas fotos: 

SAMAIN 2019

SAMAÍN 2019

O último mércores de outubro celebramos o Samaín no noso centro con divertidas e terroríficas actividades.

Comezamos decorando o noso centro con murais e manualidades. E sobre todo, coas cabazas e vasoiras que prepararon os nenos e nenas coa colaboración das súas familias.

Gustaríanos dar as grazas a todas esas familias que colaboraron cunhas merendas terroríficas boísimas. 

A xornada comezou co esperado túnel do terror, onde todos o pasamos de "medo", e a continuación desfrutamos dun corto arrepiante.

Logo, no patio, desfrutamos comendo, cantando e bailando. 

VIDEOS MUSICA TRADICIONAL GALEGA - LETRAS GALEGAS 2019

• Normalización e innovación lingüística

FESTIVAL LETRAS GALEGAS 2019

Este ano adicamos o Día das Letras Galegas a Antón Fraguas.

Traballamos nas aulas mediante unidades didácticas e actividades interactivas. Expuxemos murais e libros sobre o autor.

No patio, lemos a súa biografía e recitamos cantigas que recolleu este autor, como o casamento do piollo e maila pulga, o bolo, Carpinteiro de Ribeira... e tamén disfrutamos dunha magnífica banda de música tradicional, composta polo alumnado do noso centro.

Entregamos tamén os premios ao alumnado gañador do concurso "Sábelo ti?" e "Receitas da avoa".

A continuación podemos ver algunhas fotos deste evento. Feliz Día das Letras Galegas!!

 

 

RECURSOS LETRAS GALEGAS 2019: ANTÓN FRAGUAS

Antonio Fraguas Fraguas O antropólogo, xeógrafo e historiador Antonio Fraguas Fraguas naceu o 28 de decembro de 1905 na vila pontevedresa de Cotobade. Sendo estudante de bacharelato fundou a Sociedade da Lingua para a defensa do noso idioma e a elaboración dun dicionario. En 1928 formou parte do Seminario de Estudos Galegos que foi clausurado pola ditadura militar despois da Guerra Civil. Tamén foi membro do Instituto de Estudos Galegos Padre Sarmiento, do que chegou a ser director da Sección de Etnografía e Folclore. En 1951 entrou a formar parte da Real Academia Galega, ocupando o posto de Alfonso D. Rodríguez Castelao. Dirixiu o Museo do Pobo Galego ata o seu falecemento en 1999. - Documentos e actividades para imprimir - Actividades interactivas (EdiLim)  - Descargables, interactivos... (Primavera das Letras) - OUTRAS: .. Museo do Pobo Galego .. Díptico .. Fichas didácticas .. Ficha 1 .. Ficha 2 .. Ficha 3 .. Enredando coa Lingua .. Symbaloo: Antón Fraguas